ژمارەی قوربانیانی تەقینەوەکەی ئێران بەرزدەبێتەوە و پزشیکیان فەرمانێک دەردەکات

ئاڤا نیوز

ژمارەی قوربانیانی تەقینەوەکەی ئەمڕۆی باشووری ئێران بۆ هەشت حاڵەتی گیان لەدەستدان و 750 بریندار بەرزبووەوە، سەرۆکی ئێرانیش فەرمانی بە وەزارەتی ناوخۆی وڵاتەکەی کرد لێکۆڵینەوە لە ڕووداوەکە دەستپێبکات.

چیرۆکی سەرەکی: ڕۆژی شەممە لە پارێزگای هورمزکان لە باشووری ئێران تەقینەوەیەک لە بەندەری شەهید ڕەجائی لە شارۆچکەی بەندەری عەباس ڕوویدا، بەگوتەی بەرپرسانی ناوخۆی ئێران هۆکاری ڕووداوەکە تەقینەوەیەک بووە لە بەشی کۆگای بەندەرەکە.

لێدوانی فەرمی: ئەسکەندەر موئمینی، وەزیری ناوخۆی ئێران ڕایگەیاند، ژمارەی قوربانیانی تەقینەوەکەی ئێران گەیشتە هەشت حاڵەتی مردن و 750 بریندار، ئومێدیشی خواست کە لە چەند کاتژمێری داهاتوودا پرۆسەی کوژاندنەوەی ئاگر و ڕزگارکردنی هەموو ئەوانەی کەوتوونەتە ژێر داروپەردووەکان کۆتایی پێبێت.

لەلایەکی دیکەوە: مەسعود پزیشکیان، سەرۆککۆماری ئێران لە پەیامێکدا ئاماژەی بەوەکرد، هاوسۆزیی زیانبەرکەوتووانی ڕووداوەکەیە و فەرمانیشی بە وەزارەتی ناوخۆ کردووە لێکۆڵینەوەی ورد لەبارەی تەقینەوەکە و  هۆکارەکانی بکات.