ئیسرائیل کۆمەڵگەیەک لە غەززە دەڕوخێنێت

ئاڤا نیوز

کۆمەڵگەی حەمەد، لە کەرتی غەززە کە نزیکەی سێ هەزار یەکەی نیشتەجێبوونی تێدایە، سوپای ئیسرائیل بە شۆفڵ و بلدۆزەر دەیڕوخێنێت و تەختی زەوی دەکات.

وێنە گەورەکە: لە کەرتی غەززە، لە ناوچەی خان یونس، کۆمەڵگەیەکی مۆدێرنی نوێ هەیە لە ساڵی 2012 دروستکراوە، لە سێ هەزار یەکەی نیشتەجێبوون پێکدێت، پێشتر دانیشتوانەکەی بەهۆی بۆردوومانەکەی ئیسرائیلەوە چۆڵیان کردبوو، ئێستا بەتەواوەتی کۆمەڵگەکە تەختی زەوی دەکات.

ئەوەی پێویستە بیزانیت: ئەم کۆمەڵگەیە لەلایەن وڵاتانی ئیسلامییەوە دروستکرابوو، بەپێی چەند وێنەیەک کە لە میدیا جیهانییەکانەوە بڵاوکراوەتەوە، ئیسرائیل دەیەوێت بەتەواوەتی ئەو کۆمەڵگەیە هەڵبوەشێنێتەوە و باڵەخانەکان تەختی زەوی بکات و لەناوی ببات.

بۆچی گرنگە: بەشێک لە باڵەخانەکانی کەرتی غەززە بە تەواوەتی لەناوچوون، بەهۆی بۆردوومانەکانی سوپاوە، ئێستا ئەم کۆمەڵگەیە پێکهاتووە لە 53 باڵەخانە هەر باڵەخانەیەک پێنج نهۆمە، سێ هەزار شوقە لەخۆدەگرێت و بەسیستمێکی نوێ دروستکراوە، جێگەی ژمارەیەکی زۆر لە بێَ ماڵەکانی غەززە دەبێتەوە.