زیندانییەک لە چاکسازی گەورانی دهۆک هەڵدێت

ئاڤا نیوز

لە دهۆک زیندانییەک لە کاتی وەرگرتنی چارەسەری پزیشکی لە نەخۆشخانەی ئازادی، لە پەنجەرەی نەخۆشخانەکە هەڵدێت و تائێستا دەستگیر نەکراوەتەوە.

چیرۆکی سەرەکی: ئەمڕۆ چوارشەممە کاتژمێر 11ـی پێش نێوەڕۆ، تاوانبارێک لە چاكسازی زركا لەشاری دهۆك دەهێنن بۆ چارەسەر لەنەخۆشخانەی ئازادی، دواتر تاوانبارەکە داوای توالێت لە پۆلیس دەكات و پولیسش كەلەپچەی دەستی لێ دەكەنەوە دەچیت بۆ توالێت هەر لەوێووە بە پەنچەرەی نەخۆشخانە هەڵدێت.

زانیاریی پەیامنێر: بە پێی زانیارییەکانی پەیامنێری ئاڤا، دوای 13ساڵ ئەمە دووەمین حاڵەتی هەڵهاتنی زیندانییە لە پارێزگای دهۆک، بەر لە 13ساڵ بۆ یەکەمجار گرووپێکی زیندانی لە زیندانی چاکسازی گەورانی دهۆک بەهۆی لێدانی تونێل لە زیندان ڕایانکرد.

زانیاریی زیاتر: ئەم تاوانبارە سزای هەتاهەتایی بەسەردا سەپێنرا بوو، زیندانییەکە خەڵکی دەروبەری دهۆکە، گەڕان و پشکنین بۆ دەستگیرکردنەوەی تاوانبارەکە بەردەوامە.