بە بەشداری زیاتر لە 25 هەزار کەس گەشتی ساڵانەی باڵەکایەتی بەڕێوەچوو

ئاڤا نیوز

ڕۆژی پێنجشەممە گەشتی ساڵانەی باڵەکایەتی بە بەشداری زیاتر لە 25 هەزار سەیرانکار و گەشتیار بەڕێوەچوو کە تێیدا کولتوور و داب و نەریتی باڵەکایەتی نمایشکران.

چیرۆکی سەرەکی: گەشتی ساڵانەی باڵەکایەتی لە ئیدارەی سەربەخۆی سۆران، هەم گەشت و سەیران هەم ئاهەنگ و فێستڤاڵە ئەم تایبەتمەندییەی وایکردووە لەم سروشتە دڵڕفێنە هەزاران سەیرانکار و گەشتیاران کۆبکاتەوە.  

بینراو و بیستراو: ئەو دیمەنانەی لە ڤیدیۆکە دەرکەوتوون، هەڵپەرکێ و گۆرانی و چالاکی کولتووری و نمایشی کەل و پەلی کوردەوارین و گەشتەکەیان زیاتر سەرنجڕاکێش و جوانتر کرد.

پلانەکە: ڕێکخەرانی چالاکییەکە دەیانەوێت ساڵانی داهاتوو زیاتر فراوان و جیاوازتری بکەن بە ئامانجی ڕاکێشانی گەشتیاران و ناساندنی ناوچە گەشتیارییەکان.

ئەوەی پێویستە بیزانیت: ساڵانە گەشتی ساڵانەی باڵەکایەتی دەکرێت و هەزاران هاونیشتمانی و گەشتیار بەشدار دەبن. ئەمە دەبێتە نۆیەمین گەشتی ساڵانەی ناوچەکە  بۆ ئەمساڵیش زیاتر لە 25 هەزار سەیرانکار و گەشتیاری پارێزگاکانی ناوەڕاست و باشوری عێراق و کوردانی ڕۆژهەڵاتی کوردستان بەشداربوون.