ئەمڕۆ سری سوورەییا ئۆندەر لە ئیستەنبووڵ بەخاک دەسپێردرێت

ئاڤا نیوز

 

بڕیارە ئەمڕۆ یەکشەممە سری سوورەییا ئۆندەر لە ئیستەنبووڵ بەخاک بسپێردرێت.

 

وێنە گەورەکە: ڕۆژی شەممە، ڕێککەوتی 3ـی 5ـی 2025، سری سوورەیا ئۆندەر، بریکاری سەرۆکی پەرلەمانی تورکیا و ئەندامی شاندی دەم پارتی بۆ ئیمڕاڵی، دوای 18 ڕۆژ مانەوە لە نەخۆشخانە، کۆچی دوایی کرد.

 

ڕاگەیێنراوی فەرمی: میدیاکانی تورکیا ڕایانگەیاند: ئەمڕۆ کاتژمێر 11 بەکاتی ئیستەنبووڵ تەرمی سری سورەیا ئۆندەر لە مزگەوتی باربارۆس حەیرەتین پاشا نوێژی لەسەر دەکرێت و دواتر بەرەوە گۆڕستانی زینجیرلی کۆیۆ لە ئیستەنبوڵ بەڕێ دەکرێت و لەوێ بەخاک دەسپێردرێت.

 

باکگراوند: ئۆندەر لە 15ی نیسان کاتژمێر 22:41 خولەک بە بێ هۆشی و بەهۆی جەڵتەی دڵ گەیێنرایە نەخۆشخانە، بەپەلە نەشتەرگەری [گۆڕینی دەمەوانەی شادەمار و گۆڕینی دەمارەکانی دڵی) بۆکرا و لە چاودێریی چڕ بۆ ماوەی 18 ڕۆژ مایەوە. دوێنێش کۆچی دوایی کرد.