ئەمریکا گرێبەستێکی چەند ملیار دۆلاری لەگەڵ ئیسرائیل پەسەند دەکات

ئاڤا نیوز

ئیدارەی دۆناڵد ترەمپ، سەرۆکی ئەمریکا، ڕەزامەندیی لەسەر فرۆشتنی پاکێجێکی نوێی چەک بە ئیسرائیل دەربڕی؛ ئەمەش لەژێر ڕۆشنایی زیادبوونی مەترسییەکانی هێرشکردنە سەر ئێران و ئاڵۆزبوونی دۆخی ڕۆژهەڵاتی ناوەڕاستدا دێت.

لێدوانی فەرمی: لەبارەی ئەم بڕیارەوە، وەزارەتی دەرەوەی ئەمریکا دەڵێت: ئەمریکا پابەندە بە ئاسایشی ئیسرائیلەوە، بۆ بەرژەوەندییە نیشتمانییەکانی ئەمریکاش زۆر گرنگە هاوکاریی ئیسرائیل بکات بۆ پەرەپێدان و پاراستنی توانایەکی بەهێزی بەرگریکردن لە خۆی؛ بۆ ئەم مەبەستەش بە بەهای 6.67 ملیار دۆلار چەک بە ئیسرائیل دەفرۆشرێت.

٠ وەزارەتەکە ئاماژەی بەوەش کرد، 30 هێلیکۆپتەری هێرشبەری ئەپاچی بە بڕی 3.8 ملیار دۆلار بۆ ئیسرائیل دابین دەکرێن.

زانیاریی زیاتر: لە چوارچێوەی ئەم مامەڵانەدا، ئەمریکا ڕەزامەندیی لەسەر فرۆشتنی مووشەکی پاتریۆت بە سعوودیە بە بڕی نۆ ملیار دۆلار دەربڕیوە.

ئەمەش بزانە: ئەمریکا ساڵانە بە بەهای ملیارەها دۆلار پێداویستیی سەربازی بۆ ئیسرائیل دەنێرێت، کە بەشێکی زۆری وەک هاوکارییە نەک فرۆشتن.