ئەمریکا بە بەهای 15 ملیار دۆلار چەک بە سعوودیە و ئیسرائیل دەفرۆشێت

ئاڤا نیوز

وەزارەتی دەرەوەی ئەمریکا ڕەزامەندیی لەسەر فرۆشتنی چەک بە بەهای 15 ملیار دۆلار بە ئیسرائیل و سعوودیە دەربڕی، ئەوەش لە کاتێکدایە کە ئەگەری هێرشی سەربازیی بۆ سەر ئێران زیاتر بووە.

ڕاگەیێنراوی فەرمی: بەپێی ڕاگەیێنراوی وەزارەتی دەرەوەی ئەمریکا، ئیسرائیل 30 هێلیکۆپتەری جۆری ئاپاچی (Apache) بە بەهای 3.8 ملیار دۆلار و ئۆتۆمبێلی تاکتیکیی بە بەهای 1.8 ملیار دۆلار وەردەگرێت بۆ بەهێزکردنی توانای هێرشبەریی ئاسمانیی و زەمینیی.

لە لایەکی دیکەوە: سعوودیە گەورەترین پشکی بەرکەوتووە کە بڕی 9 ملیار دۆلارە و تەرخانکراوە بۆ کڕینی 730 مووشەکی بەرگریی پاتریۆت (Patriot) بە مەبەستی پاراستنی ئاسایشی ئاسمانیی وڵاتەکە لە ئەگەری هەر هێرشێکی مووشەکیی یان درۆنی لەلایەن ئێران و هاوپەیمانەکانییەوە.

ئەمەش بزانە: ئەم گرێبەستانە هاوکاتن لەگەڵ جووڵەی چڕی کەشتیگەلە جەنگییەکانی ئەمریکا لە ئاوەکانی کەنداو کە هەمووی وەک فشارێکی سەربازیی یەکلاکەرەوە دژی تاران دەبینرێن.