وەزارەتی ڕاگەیاندنی سووریا: نابێت هیچ ڕۆژنامەنووسێك بێ مۆڵەت بێتە وڵاتەكەمان

ئاڤا نیوز

وەزارەتی ڕاگەیاندنی سووریا ڕایدەگەیێنێت، هەر ڕۆژنامەنووسێک بەبێ مۆڵەتی فەرمی و لە ڕێگەی نایاساییەوە بچێتە ناو خاکی وڵاتەکەیان، ڕووبەڕووی لێپرسینەوەی یاسایی دەبێتەوە و کارەکەی بە پێشێلکاری دادەنرێت.

 

ڕاگەیێنراوی فەرمی: بەگوێرەی ڕاگەیێنراوێکی فەرمیی وەزارەتی ڕاگەیاندنی سووریا، وەزارەتی ڕاگەیاندنی سووریا هۆشداری دەداتە ئەو ڕۆژنامەنووسانەی لە سنوورەکانی عێراقەوە بە شێوەی نایاسایی دەچنە ناو خاکی وڵاتەکەیان تاوەکو بێ مۆڵەتی فەرمی کار بکەن.

- وەزارەت جەخت دەکاتەوە سەرجەم دەروازە سنوورییەکان لەژێر دەسەڵاتی دامەزراوە فەرمییەکاندایە و هەر هاتنە ناوەوەیەکی نایاسایی، پێشێلکردنی یاسایە و خاوەنەکەی ڕووبەڕووی لێپرسینەوەی تووند دەبێتەوە.

- مۆڵەت پێدانی فەرمی ئامانج لێی ئاسانکاری بۆ کاری میدیایی و پاراستنی گیانی کارمەندانی ڕاگەیاندنە، هەروەها گەرەنتی هەماهەنگییەکی تەندروست لەگەڵ لایەنە پەیوەندیدارەکانی دەوڵەت دەکات.

ئەوەی پێویستە بیزانیت: وەزارەتی ڕاگەیاندن داوا لە میدیاکان دەکات تەنیا لە ڕێگەی خاڵە فەرمییەکانەوە هاتووچۆ بکەن، بۆ ئەوەی لە کاتی ڕاپۆرتکردندا سەلامەتییان پارێزراو بێت و تووشی کێشەی یاسایی نەبن.