عەلى حه‌مه‌ساڵح بە لیست بەشداریی هەڵبژاردن دەکات

ئاڤا نیوز

عەلى حه‌مه‌ساڵح لە بەغدایە و سەرقاڵی تۆمارکردنی لیستە بۆ بەشداریکردن لە هەڵبژاردن.

وێنە گەورەکە: بۆ هەڵبژاردنی خولی شەشەمی پەرلەمانی کوردستان عەلی حەمەساڵح بۆ یەکەمجار دەیەوێت بە جیا و بە لیستی سەربەخۆ بەشداریی هەڵبژاردن بکات.

بۆچی گرنگە: چاوەڕوان دەکرێت لیستەکەی عەلی حەمەساڵح دەنگی حیزبەکانی ئۆپۆزسیۆن دابەش بکات.

زانیاریی تایبەت: ئێستا عەلی حەمەساڵح و چەند کەسێکی نزیکی لە بەغدان بۆ تەواوکردنی ڕێکارەکان، بڕیارە هەنگاوی دواتر کۆنفرانس ببەستن و دەستەیەک بۆ سەرپەرشتیکردنی لیستەکە هەڵبژێرن.

لێدوانی فەرمی: دابان محەممەد، پەرلەمانتاری پێشووی کوردستان و یەکێک لە پشتیوانانی لیستەکە بە ئاڤا نیوزی گوت: ئامادەکارییەکانمان تەواوکردوون و چاوەڕوانی ڕەزامەندی کۆمیسیۆنین بۆ بەستنی کۆنفرانس.

 

گۆشەیەکی دیکە: هەندێک لە بەربژێران و پشتیوانانی لیستەکە پێشتر خۆیان بۆ ئەنجوومەنی نوێنەرانی عێراق هەڵبژاردبوو و دەرنەچووبوون و هەندێکی دیکەشیان لە حیزبەکانیان دەرکراون.


بەشێک لە بەربژێران و ئەو کەسانەی پشتیوانی دەکەن:

1- عومەر فەقێ – بانگخوازی ئایینی
2- غالب محەممەد - پەرلەمانتاری خولی پێشووی عێراق
3- مەسعود عەبدولخالق – سەرۆکی دەزگای ستاندارد
4- بەدەل بەرواری - چالاکوان
5- یوسف محەممەد – سەرۆکی پێشووتری پەرلەمانی کوردستان
6- کاروان حەمەساڵح – هەڵسوڕاوی پێشووی گۆڕان
7- دابان محەممەد - پەرلەمانتاری خولی پێشووی پەرلەمانی کوردستان
8- د.ڕەعد رەفعت – مامۆستای زانکۆ
9- سەردار قادر، جێگری پارێزگاری پێشووتری سلێمانی
10- هێرش عەبدولرەحمان، نووسەر و لێکۆڵەر
11- بەشێک لە پەرلەمانتارانی گرووپی هیوا لە پەرلەمانی عێراق

ئەمەش بزانە: عەلی حەمەساڵح دووجار لەنێو لیستی بزووتنەوەی گۆڕان بەشداریی هەڵبژاردنی کردووە؛ ساڵی 2013  وەک بەربژێر 140 هەزار دەنگ و جاری دووەمیش لە ساڵی 2018 دا وەکو سەرۆکی لیستی گۆڕان  93 هەزار دەنگی بەدەستهێنا.