تەیف سامی دەچێتە حەج

ئاڤا نیوز

 

تەیف سامی، وەزیری دارایی عێراق بەمەبەستی بەجێگەیاندنی فەریزەی حەجی ئەمساڵ بەشێوەی ڤی ئای پی سەردانی سعودیە دەکات. 

 

وێنە گەورەکە: حەجی (VIP) بریتییە لە ژمارەیەک خزمەتگوزاریی تایبەت کە لەسەروبەندی بەجێگەیاندنی فەریزەی حەج پێشکەش بە کەسانی بەرپرس و ناودار لە کاتی چوونیان بۆ سعودیە پێشکەشیان دەکرێت، وەک شوێنی نیشتەجێبوون لە نزیک حەرەمی کەعبە، گواستنەوەی تایبەت و کۆمەڵێک ئاسانکاری دیکە. 

 

زانیاریی تایبەت: ئاڤا لە سەرچاوەیەکی تایبەتەوە زانیویەتی تەیف سامی، وەزیری دارایی عێراق، بۆ ئەمساڵ نیازی هەیە بچێتە سعودیە و لە ڕێگەی ڤی ئای پیەوە فەریزەی حەج بە ئەنجام بگەیێنێت.

 

ئەوەی پێویستە بیزانیت: بەشێوەیەکی گشتیی ئەو کەسانەی بەشێوەی ڤی ئای پی حەج دەکەن، ڕۆژێک پێش جەژنی قوربان دەچنە سعودیە و  لە ماوەی سێ ڕۆژدا ئەرکە ئایینییەکان ئەنجام دەدەن.

 

ئەمەش بزانە: حەجخوازانی VIP لە وڵاتەکانییانەوە بە فڕۆکە سەردانی سعودیە دەکەن و پلیتی پلە یەکی بازرگانی دەبڕن، نەک گەشتیاری.

 

زانیاریی زیاتر: چادری تایبەت بە هەموو خزمەتگوزارییەکی فێنککەرەوە، خواردن و خواردنەوەی تایبەت لە نزیک شوێنە پیرۆزەکان بۆ ئەو کەسانە دابین دەکرێت کە حەجی ڤی ئای پی دەکەن و نرخەکەی زیاتر لە سێ هێندەی نرخی حەجی ئاساییە.