ناوی 16 هەزار خانەنشین بۆ وەرگرتنی زەوی دەدرێتە ئەنجوومەنی وەزیران

ئاڤا نیوز 

 

وردبینی لە بەشێکی دیکەی فۆڕمی فەرمانبەران و خانەنشینان تەواو بووە، ڕەوانەی ئەنجوومەنی وەزیران دەکرێت بۆ ئەوەی پەسەند بکرێت و دواتر زەوییان بۆ دابین بکرێت.

 

وێنە گەورەکە: لە هەرێمی كوردستان زیاتر لە 277 هەزار خانەنشینی شارستانی و سەربازی هەیە، بەشێكیان ل ەوەرگرتنی زەوی سوودمەند نەبوون، بەشێک دەبن لەو 200 هەزار کەسەی زەوییان پێدەدرێت.

 

زانیاریی بەدەستهاتوو: ئاڤا زانیویەتی ئێوارەی ئەمڕۆ چوارشەممە وردبینی لە 23 هەزار فۆڕمی فەرمانبەران و خانەنشینان تەواوبووە، واژۆکراون، بڕیارە سبەی پێنجشەممە بە پۆستە ڕەوانەی ئەنجوومەنی وەزیران دەکرێت.

 

لێدوانی فەرمی: سەربەست مەولوود، سەرپەرشتیاری تیمی وردبینی و ڕێکخستنی فۆڕمی دابەشکردنی زەوی له‌ وه‌زاره‌تی شاره‌وانی و گەشتوگوزار بە ئاڤای گوت، "ئەمڕۆ یان سبەی فۆڕمی زیاتر لە 23 هەزار و 400 کەس کە نزیکەی 16 هەزاریان خانەنشینن ڕەوانەی ئەنجوومەنی وەزیران دەکرێت، بۆ ئەوەی پەسەند بکرێت و دواتر بگەڕێنرێتەوە شارەوانییەکان."