سەرۆکی چین لەگەڵ هاوتا ڕووسییەکەی کۆدەبێتەوە

ئاڤا نیوز

شی جین پینگ، سەرۆکی چین بەسەردانێک گەیشتە مۆسکۆ و لەگەڵ ڤلادیمێر پووتین، سەرۆکی ڕووسیا کۆدەبێتەوە.

چیرۆکی سەرەکی: لەبەردەوامی بەهێزکردنی پەیوەندییەکانی نێوان چین و ڕووسیا، سەرۆکی چین بەمەبەستی کۆبوونەوە لەگەڵ هاوتا ڕووسییەکەی و بەشداریکردن لە ئاهەنگەکانی ڕووسیا لە 9ـی ئایار بە بۆنەوەی سەرکەوتنیان لە جەنگی جیهانی دووەم، گەیشتە ئەو وڵاتە.

لێدوانی فەرمی: شی جین پینگ، سەرۆکی چین لەمیانەی سەردانەکەی بۆ مۆسکۆ لە ئێکس ڕایگەیاند، متمانەی سیاسی نێوان چین و ڕووسیا قووڵتر دەبێت، هەماهەنگیەکانی نێوانمان بەهێزتر دەکەین.

زانیاریی بەدەستهاتوو: دیمیتری پیسکۆڤ، وتەبێژی کرێملین لەبارەی دیدارەکانی نێوان هەردوولا ئاشکرای کرد، گفتوگۆی نێوان پووتین و شی جین پینگ لە مۆسکۆ  گفتوگۆیەکی فراوان و جیاواز بوو.