لەنێوان ئیتاڵیا و یۆنان 43 کۆچبەری کورد ڕزگارکران

ئاڤا نیوز

ئەو کۆچبەرانەی لەئاوی نێوان یۆنان و ئیتاڵیا گیریان خواردبوو، رزگارکران، بەپێی گوتەی کۆچبەرەکان سێ ڕۆژە هیچ کەس و لایەنێک ئامادەنەبووە بچن بەهانایانەوە، تاوەکو کەشتییەکی بارهەڵگر کە بەرەو یۆنان چووە ڕزگاری کردوون.

چیرۆکی سەرەکی: ماوەی سێ ڕۆژ بوو بەلەمێکی کۆچبەران لە ئاوی ئازاد لەنێوان ئیتاڵیا و یۆنان گیری خواردبوو، کە 70 کۆچبەری تێدابووە و 43 ـیان کوردبوون، هیچ کەس و لایەنێک ئامادە نەبووە ڕزگاریان بکات.

زانیاریی بەدەستهاتوو: بەپێی گوتەی کۆچبەرەکان، کەشتییەکی بارهەڵگر کە بەرەو یۆنان چووە ڕزگاری کردوون.

باکگراوند: بەهۆی ئەوەی لە ناوچەی ئاوی ئازادبوون، ئیتاڵیا ڕایگەیاندبوو هیچ پەیوەندییەكی بە ئەوانەوە نییە و ناچێت بەدەمیانەوە.