سەرۆک بارزانی لەبارەی چەکدانانی پەکەکە: بەهەموو شێوەیەک پشتیوانی پرۆسەی ئاشتی لە تورکیا دەکەین

ئاڤا نیوز

سەرۆک بارزانی، سەبارەت بە بڕیاری خۆهەڵوەشاندنەوە و چەکدانانی پارتی کرێکارانی کوردستان پەیامێکی بڵاوکردەوە و هیوای خواست ئەم پڕۆسەیە بگاتە ئەنجامێکی باش و لە بەرژەوەندی و خێری ناوچەکە و هەموو لایەک بێت.

چیرۆکی سەرەکی: ئەمڕۆ دووشمەمە پارتی کرێکارانی کوردستان 'پەکەکە' ئەنجامی کۆنگرەی 12ـی خۆی ئاشکراکرد، لە کۆنگرە هەیکەلی تەشکیلاتی پارتی هەڵوەشایەوە، کۆتایی بە خەباتی چەکداری و هەموو ئەو چالاکییانەی بەناوی پەکەکەوە دەکران هێنا.

پەیامی فەرمی: سەرۆک بارزانی لە پەیامەکەیدا دەڵێت:

٠ جێگەی خۆشحاڵیە لە پڕۆسەی چارەسەریی ئاشتی لە تورکیا لایەنەکان هەڵوێستی باشیان هەبوو و هەنگاوی ئەرێنی بە ئاراستەی چارەسەری ئاشتیانە نرا.

٠ هیوادارین ئەو پڕۆسەیە بگاتە ئەنجامێکی باش و لە بەرژەوەندی و خێری ناوچەکە و هەموو لایەک بێت.
بە هەموو شێوەیەک پشتیوانی لە سەرکەوتنی ئەو پڕۆسەیە دەکەین.