سەڵاحەددین دەمیرتاش: کاتی ئەوە هاتووە کار بۆ فراوانکردنی تورکیا بکەین

ئاڤا نیوز

 

سەرۆکی پێشووی هەدەپە لە زیندانەوە پەیامێکی لەبارەی چەکدانانی پەکەکە و پڕۆسەی ئاشتی لە تورکیا بڵاوکردەوە، سوپاسی هەموو ئەو کەسانە دەکات کە ڕۆڵیان هەبووە لە هێنانەدی ئەو ڕێککەوتنە ئاشتیانەیە. 

 

وێنە گەورەكە: لە چوارچێوەی پرۆسەی ئاشتی و لەسەر داوای عەبدوڵڵا ئۆجەلان، پارتی کرێکارانی کوردستان 'پەکەکە' 12ـەمین کۆنگرەی خۆی لە  ڕۆژانی 5 تا 7ـی ئەم مانگە بەست، ئەمڕۆش ئەنجامی کۆنگرەی ئاشکرا کرد و وەک چاوەڕوان دەکرا کۆتایی بە خەباتی چەکداری هێنا، بڕیاری چەکدانان و خۆ‌هەڵوەشاندنەوەی ڕاگەیاند، بەرپرسیاریێتی قۆناغی داهاتووشی خستە ئەستۆی تورکیا لە زامنکردنی مافەکانی گەلی کورد لە باکووری کوردستان.

 

زانیاریی زیاتر: هەر لەچوارچێوەی پڕۆسەی ئاشتی لە تورکیا، ئەمڕۆ دووشەممە، پەروین بوڵدان، ئەندامی شاندی ئیمرالی لە زیندانی ئەدیرنە سەردانی سەڵاحەددین دەمیرتاش، سەرۆکی پێشووی هەدەپە کردووە و لەبارەی پڕۆسەی ئاشتی و چەکدانانی پەکەکەوە قسەیان کردووە. 

 

ڕاگەیێنراوی فەرمی: سەڵاحەددین دەمیرتاش، سەرۆکی پێشووی هەدەپە پەیامێکی لەبارەی چاکدانانی پەکەکە و پڕۆسەی ئاشتییەوە بڵاوکردەوە کە تیایدا هاتووە، کاتی ئەوە هاتووە هەموومان بە دڵسۆزانە کار بۆ فراوانکردنی تورکیا بکەین، بە ئامانجی هێنانەدی سەقامگیری و خۆشگوزەرانی بۆ گەلی تورکیا. 

 

-هەر لەچوارچێوەی ئەو دیدارەدا دەمیرتاش سوپاسی هەموو ئەو کەسانەی کردووە کە ڕۆڵیان هەبووە لە سەرخستنی پڕۆسەی ئاشتی و چەکدانانی پەکەکە، هەروەها ڕۆڵی سری سوورەییا ئۆندەری لەو بوارەدا بەرز نرخاندووە.