وەزارەتی دارایی عێراق دەنگۆی پێدانی مووچە بە هاووڵاتیانی سووریا ڕەتدەکاتەوە

ئاڤا نیوز

وەزارەتی دارایی عێراق ڕایگەیاند، "پارەمان بۆ مووچەی هاووڵاتیانی سووریا دابین نەکردووە و ئەو دەنگۆیانەش لەمبارەیەوە درۆ و چەواشەکاریین".

چیرۆکی سەرەکی: پێشتر قەتەر بڕیاری دابوو لە خەرجکردنی مووچەی هاووڵاتییانی سووریا هاوکاریی حکومەتی ئەو وڵاتە بکات، دوای ئەوە دەنگۆیەکی دیکە لە عێراق بڵاوبوویەوە، گوایە حکومەتی عێراق هاوشێوەی قەتەر و بە بڕی چوار تریلیۆن دینار یارمەتیی حکومەتی سووریا دەدات.

ڕاگەیێنراوی فەرمی: وەزارەتی دارایی عێراق لە ڕاگەیێنراوێکدا ڕایگەیاند: وەزارەتی دارایی بە تەواوی ئەو زانیارییە چەواشەکارانە و ئەو دەنگۆ خراپانە ڕەتدەکاتەوە کە لە سۆشیال میدیادا بڵاوبوونەتەوە و بانگەشەی ئەوە دەکەن، وەزیری دارایی ڕازی بووە بە پێدانی مووچە بە هاووڵاتییانی سووریا.

- سیاسەتە داراییەکان لەسەر بنەمای پێوەرەکانی پیشەیی و تەنیا بەرژەوەندییە نیشتمانییەکان دامەزراوە و هیچ بڕیارێک سەبارەت بە مووچە یان هاوکاری دەرەکی نادرێت مەگەر لە چوارچێوەی فەرمی پەسەندکراودا نەبێت.

ئەوەی پێویستە بیزانیت: لە 11-05-2025، حکومەتی قەتەر بڕیاریدا ماوەی سێ مانگ بە بڕی 29 ملیۆن دۆلار مانگانە یارمەتیی حکومەتی سووریا بدات لەپێناو پارەدارکردنی مووچەی فەرمانبەرانی، ئەگەریش هەیە ماوەکە زیاد بکرێت.