لە کۆنگۆ زیاتر لە 200 کەس بەهۆی داڕمانی کانێک گیانیان لەدەست دا

ئاڤا نیوز

لە ڕۆژهەڵاتی کۆماری دیموکراتی کۆنگۆ، بەهۆی داڕمانی کانێکی گەورەی "کۆڵتان" لە ناوچەی ڕوبایا، لانیکەم 227 کەس گیانیان لەدەست دا.

چیرۆکی سەرەکی: ڕووداوەکە ڕۆژی چوارشەممە، 28-1-2026، بەهۆی بارانبارینی زۆر و ناسەقامگیری زەویی ناوچەکە ڕوویداوە. زەوییەکە لەناکاو داڕماوە لەو کاتەی ئەو کەسانەی لەو شوێنە کار دەکەن لە ناو چاڵەکەدا بوون.

زانیاریی زیاتر: لە ناو قوربانییەکاندا کرێکارانی ناو کانەکە و منداڵان و ئەو ژنانە هەن کە لە بازاڕی نزیک کانەکە کاریان کردووە.

- جگە لەوانەی گیانیان لەدەست داوە، ژمارەیەک کەسی دیکەش بریندار بوون و نزیکەی 20 بریندار دۆخیان سەختە و لە ناوەندە تەندروستییەکان لەژێر چارەسەردان.