لە هەولێر نزیکەی یەک ملیار و 700 ملیۆن دینار بۆ ڕۆژئاوای کوردستان کۆکراوەتەوە

ئاڤا نیوز

کەمپینی هەولێر بۆ ڕۆژئاوای کوردستان کۆتایی هات. پارێزگاری هەولێریش ڕایگەیاند، زیاتر لە 500 تۆن کەلوپەل و نزیکەی یەک ملیار و 700 ملیۆن دینار بۆ ڕۆژئاوای کوردستان کۆکراوەتەوە.

لێدوانی فەرمی: ئومێد خۆشناو، پارێزگاری هەولێر کۆتاییهاتنی کەمپینی هەولێری بۆ ڕۆژئاوای کوردستان ڕاگەیاند و لە کۆنگرەیەکی ڕۆژنامەوانی ڕایگەیاند، بە کۆی گشتی 504 تۆن کەلوپەل کە دەکاتە 126 بارهەڵگر کۆکراوەتەوە:

-325 تۆن بابەتی خۆراکی.
-147 تۆن بابەتی ناخۆراکی.
-32 تۆن پێداویستییە تەندروستی و پزیشکییەکان.

زانیاریی زیاتر: ئومێد خۆشناو ئاشکراشی کرد، لە کەمپینەکەی هەولێر، یەک ملیار و 695 ملیۆن و 874 هەزار دینار کۆکراوەتەوە، واتە نزیکەی یەک ملیار و 700 ملیۆن دینار.

-وتیشی، بەشێک لەو کۆمەکانە ڕۆژانە گواستراونەتەوە بۆ ڕۆژئاوای کوردستان،  ئەوەی کە ماوە بە ئەمانەتەوە دەگاتە ڕۆژئاوای کوردستان و تیمەکانی دەزگای خێرخوازی بارزانی، بۆئەوەی لەوێ بەسەر خەڵکی ئاوارە و لێقەوماو دابەشی بکەن.

لەلایەکی دیکەوە: دەزگای خێرخوازیی بارزانی داتا و ئاماری فەرمی بڵاوکردووەتەوە کە لە تەواوی کوردستان بەم شێوەیە بووە:

-255 بارهەڵگر کۆمەک و پێداویستی.
-516 کرێکار بەشداریی هەڵمەتەکانیان کردووە.

ئاماری هاوكارییە جۆراوجۆرەكان:

-خێزانی سوودمەند: 7802
-قوتابخانە: 183
-مزگەوت:  12

ئاماری نەوت:
-خێزانی سوودمەند: 7139
-لیتر نەوت: 253632
-قوتابخانە: 184
-مزگەوت: 11

ئاماری خواردنی گەرم: 
-35045 ژەم خواردنی گەرم
-قوتابخانە: 135
-مزگەوت:  9

ئاماری تیمە تەندروستییەكان:
-3965 كەس سوودمەند بووە
-54 قوتابخانە

باکگراوند: ڕۆژی پێنجشەممە 22-1-2026، دەزگای خێرخوازیی بارزانی بە هەماهەنگیی پارێزگای هەولێر، لەبەردەم پارکی شانەدەر لە شاری هەولێر کەمپینی بۆ ڕۆژئاوای کوردستان ڕاگەیاند.