وەزارەتی ناوخۆی عێراق دەنگۆیەک ڕەتدەکاتەوە

ئاڤا نیوز

 

وەزارەتی ناوخۆی عێراق دەنگۆی دەستگیرکردنی هاووڵاتییان، لەسەر تاشینی ڕیش و لەبەرکردنی شۆرتی سێچارەکی پیاوان لە پارێزگای ئەنبار ڕەتدەکاتەوە.

 

چیرۆکی سەرەکی: لە ماوەی چەند ڕۆژی ڕابردوودا، لە سۆشیال میدیاکانی عێراق دەنگۆی دەستگیرکردنی ئەو کەسانەی کە شۆرتی سێچارەک "بەرمۆدە"یان لەبەردایە یاخود ڕیشیان دەتاشن لە قەزای  فەللوجە لە پارێزگای ئەنبار بڵاوکراوەتەوە، وەزیری ناوخۆ هاتە دەنگ و ئەو دەنگۆیانەی ڕەتکردەوە.

 

ڕاگەیێنراوی فەرمی: وەزارەتی ناوخۆی عێراق لە ڕاگەیێنراوێکدا ڕەتیدەکاتەوە، پۆلیسی فەلووجە لە پارێزگای ئەنبار هاووڵاتیانیان بەهۆی لەبەرکردنی شۆرتی سێچارەک یان تاشینی ڕیشی دەستگیر کردبێت و دووپاتی دەکاتەوە ئەو دەنگۆیانە بە تەواوی "ناڕاستن".

 

ئەوەی پێویستە بیزانیت: لە ساڵی 2019دا، فەرماندەیی پۆلیسی هەردوو پارێزگای کەرکووک و ئەنبار بڕیاریاندا لەبەرکردنی شۆرتی سێچارەک لە شوێنە گشتییەکان قەدەغە بکەن، ئەمەش ناڕەزایەتییەکی زۆری لەلایەن هاووڵاتیان بە تایبەتی چینی گەنجان بەدوای خۆیدا هێنا.

 

ئەمەش بزانە: ڕۆژی 6ی نیسانی ساڵی 2025، فه‌رمانده‌یی پۆلیسی پارێزگای واست، له‌به‌ركردنی شۆرتی سێچارەکی پیاوان و جلی نیمچه‌ڕووتی‌ لە پارێزگاکە قەدەغە کرد، لەپێناو "پاراستنی گه‌نجان و پارێزگاری له به‌هاكانی كۆمه‌ڵگه‌"، مه‌فره‌زه‌ پێكهێنرا بۆ پشكنینی كافتریا و چایخانەکان و شوێنه‌ گشتییه‌كان بۆ چاودێریكردنی ڕەفتاری نەشیاو و لێپرسینەوە لە سەرپێچێکاران.