تورکمانە شیعەکانی کەرکووک هاوپەیمانێتییەک بۆ هەڵبژاردن پێکدەهێنن

ئاڤا نیوز

 

ڕێکخراوی بەدر بڕیاریدا بۆ هەڵبژاردنی پەرلەمانی عێراق لە پارێزگای کەرکووک بەشداریی نەکات و پشتیوانی هاوپەیمانێتی "ڕزگارکردنی تورکمان" بکات، کە لیستی تورکمانە شیعەکانی پارێزگاکە دەبێت.

 

وێنە گەورەکە: لە کۆتا هەڵبژاردنی پەرلەمانی عێراقدا پێکهاتەی تورکمان لە پارێزگای کەرکووک دوو کورسییان بەدەستهێنا، دابەشبوونی ئەم پێکهاتەیەش بەسەر سوننە و شیعەدا گوتاری نەتەوەیی تورکمانی لاوازکردووە و ئەوانی بە ململانێی ناوخۆیانەوە سەرقاڵکردووە.

 

لێدوانی فەرمی: هاوپەیمانێتی "ڕزگارکردنی تورکمانی کەرکووک" لەلایەن عەممار کەهیە کەسایەتی سیاسی تورکمان لە کەرکووک سەرۆکایەتی دەکرێت، محەممەد مەهدی بەیاتی، لێپرسراوی لقی باکووری ڕێکخراوی بەدریش ڕایگەیاند، ڕێکخراوی بەدر بڕیاریداوە بۆ هەڵبژاردنی پەرلەمان لە کەرکووک لیستی نەبێت.