موراد قەرەیلان داوا دەکات تورکیا دەستبەجێ گۆڕانکاریی یاسایی بکات

ئاڤا نیوز

موراد قەرەیلان، بەرپرسی باڵای پەکەکە داوا دەکات تورکیا دەستبەجێ گۆڕانکاری یاسایی بکات بۆ ئەوەی بڕیاری کۆتاییهێنان بە خەباتی چەکداری بە کردار جێبەجێ بکەن.

چیرۆکی سەرەکی: قەرەیلان کە ئەندامی دەستەی بەڕێوەبەری پەكەكەیە، لە كۆنگرەی دوازدەیەمی حیزبەكە كە هەفتەی ڕابردوو کرا، گوتارێكی پێشكەش كردووە و قسەی لەسەر بابەتی چەكدانان و پرۆسەی ئاشتی کردووە.

لێدوانی فەرمی: ئەمڕۆ قسەکانی قەرەیلان بڵاوکرانەوە، دەڵێ، "لەسەر داواکاری و بە هەوڵ و  ئامادەكارییەكانی عەبدوڵڵا ئۆجەلان وا کۆنگرە دەکەین، ئەم كۆنگرەیە ئاسایی نییە، بەڵكو گرنگترین و مێژووییترین بەشە لە مێژووی تێکۆشانماندا".

- بانگەوازەكەی ئۆجەلان مێژوویی بوو بۆ پەرەپێدان و دەستپێكردنی سەردەمێكی نوێ، "ئێمە بەم شێوەیە لە بانگەوازەكە تێدەگەین کە ئەمە سەرەتایەكی نوێیە".

- لەبارەی چەکدانانیش دەڵێ، مادام دەگوترێت ئاشتی، دەبێت كۆتایی بە دووژمنایەتی بهێنین، ئەوانەیشی كە دەیانەوێت لە شەڕ بەردەوام بن دەبێت بزانن كە ناتوانن بمانبەزێنن".