مەسرور بارزانی سەردانی باڵەخانەی نوێی كونسوڵخانەی ئەمریكا لە هەولێر دەکات

ئاڤا نیوز

سەرۆكوەزیران مەسرور بارزانی سەردانی باڵەخانەی نوێی كونسوڵخانەی ئەمریكای لە هەولێر كرد و بەشەكانی بەسەركردەوە.

ڕاگەیێنراوی فەرمی: بەپێی هەواڵێكی ماڵپەری حكومەتی هەرێمی كوردستان، ئەمڕۆ سێشەممە 13-5-2025، سەرۆكوەزیران مەسرور بارزانی، لە هەولێر، سەردانی باڵەخانەی نوێی کونسوڵخانەی ئەمەریکای کرد و لەلایەن ستیڤن بیتنەر، کونسوڵی گشتیی ئەمەریکا پێشوازی لێکرا.

- سەرۆكوەزیران مەسرور بارزانی و کونسوڵی گشتیی ئەمەریکا بەشەکانی باڵەخانەکەیان بەسەرکردەوە کە بڕیارە بەم نزیکانە بە شێوەیەکی فەرمی بکرێتەوە.

ئەوەی پێویستە بیزانیت: ویلایەتە یەكگرتووەكانی ئەمریكا لە شوباتی 2007 نووسینگەی دیپلۆماسیی لە هەولێر كردەوە، لە 2011 ئاستی پەیوەندییەكانی لەگەڵ هەرێمی كوردستان بۆ كونسوڵخانەی گشتی بەرز كردەوە. بڕیارە لە هاوینی ئەمساڵیش كونسوڵخانە گەورەكەی كە زۆر لە باڵوێزخانەی وڵاتان گەورەترە، بكاتەوە.