چوار تیکتۆکچی لە سلێمانی دەستگیر کران

ئاڤا نیوز

دەزگای ئاسایشی هەرێمی کوردستان دەستگیرکردنی چوار تیکتۆکچی لە سلێمانی ڕاگەیاند.

ڕاگەیێنراوی فەرمی: ڕۆژی 13-5-2025، دەزگای ئاسایشی هەرێمی کوردستان ڕایگەیاند: بە بڕیاری دادوەری لێکۆڵینەوە دوای کۆکردنەوەی زانیاری و چاودێری ورد، توانیمان چوار تیکتۆکچی لە سلێمانی دەستگیر بکەین.

زانیاریی زیاتر: تیکتۆکچییەکان بە تۆمەتی نیشاندانی وێنەی نەشیاو و قسەی نەشیاو و هەڕەشەکردن لە لایڤدا دەستگیر کراون.

ئەوەی پێویستە بیزانیت: تیکتۆکچییەکان ڕێکاری یاساییان بەرامبەر گیراوەتەبەر و لێکۆڵینەوە لەگەڵیان دەستیپێکردووە.

بۆچی گرنگە: ئەم هەنگاوەی ئاسایش بۆ بەرەنگاربوونەوە و ڕێگریکردنە لە بڵاوکردنەوەی شتی نەشیاو، لەپێناو پاراستنی شیرازەی کۆمەڵگە.