دیاردەی كاركردنی كرێكارانی بیانی لەسەر شەقامەكان سنووردار دەكرێت

 

ئاڤا نیوز

ژووری بازرگانی و پیشەسازیی هەولێر، هۆكار و كاریگەرییەكانی زیادبوونی دیاردەی كاركردنی كرێكارانی بیانی لەسەر شەقام و شوێنە گشتییەكان، لەگەڵ بەرپرس و نوێنەرانی دەزگا پەیوەندیدارەكانی حكومەتی هەرێمی كوردستان و كۆمپانیاكانی هێنانی كرێكاری بیانی، تاوتوێ دەكات.

چیرۆكی سەرەكی: ژووری بازرگانی و پیشەسازیی هەولێر، وۆركشۆپێكی دەربارەی هۆكار و چارەسەری گرفتی زۆری كرێكاری بیانی لەسەر شەقام و شوێنە گشتییەكان سازكرد، كە تێیدا جگە لە ئامادەبوونی بەرپرسانی ژوورەكە، بەرپرس و نوێنەرانی دەزگا پەیوەندیدارەكانی حكومەتی هەرێمی كوردستان و نوێنەرانی كەرتی تایبەت، بەشداربوون.

ڕاگەیێنراوی فەرمی: بەپێی ڕاگەیێنراوی فەرمیی ژووری بازرگانی و پیشەسازیی هەولێر، كاریگەرییەكانی زۆربوونی كرێكاری بیانی لەسەر لایەنی ئابووری، یاسایی، كۆمەڵایەتی، بازاڕی كار، كەرتی خزمەتگوزاریی و ئاسایشی كۆمەڵایەتی خرانەڕوو.