نێچیرڤان بارزانی: هه‌موو هه‌وڵێك له‌پێناو دابينكردنى ژیانێکی شایستە بۆ مامۆستایان دەدەین

ئاڤا نیوز

بەبۆنەی ساڵیادی دامەزراندنی یەکێتی مامۆستایانی کوردستان سەرۆکی هەرێمی کوردستان پەیامێکی پیرۆزبای ئاراستەی مامۆستایانی کوردستان دەکات و دەڵێت، هەموو هەوڵێک لەپێناو دابینکردنی ژیانێکی شایستە بۆ ئەوان دەدەین.

وێنە گەورەکە: ئەمڕۆ پێنجشەممە 2025-05-15، 63 ساڵ بەسەر دامەزراندنی یەکێتی مامۆستایانی کوردستان تێدەپەڕێت، ڕۆژی 15ـی ئایاری هەموو ساڵێک ئەم یادە دەکرێتەوە.

پەیامی فەرمی: نێچیرڤان بارزانی، سەرۆکی هەرێمی کوردستان لە پەیامەکەیدا دەڵێت:

٠ پیرۆزبای ئەم یادە لە سەرجەم مامۆستایانی کوردستان و سکرتاریەتی یەکێتی مامۆستایان دەکەم.

٠ ڕۆڵی مامۆستایان لە پێگەیاندنی نەوەکانمان بەرز دەنرخێنین، هەموو هەوڵێک لەپێناو دابینکردنی ژیانێکی شایستە بۆ ئەوان دەدەین، کە لەگەڵ پێگەی پەروەردەیی و نیشتمانیياندا بگونجێت.

٠ به‌رده‌وام ده‌بين له‌ كاركردن بۆ دابینکردنی ژینگەیەکی فێرکردنی گونجاو و هاوچەرخ كه‌ وەبەرهێنانێکی ڕاستەوخۆیە لە داهاتووی کوردستاندا.

٠ مامۆستایان پێشه‌نگ و کۆڵەکەی سەرەکيی بوونیادنانی کۆمەڵگەن، گەرەنتيی پەروەردەکردنی مرۆڤی هۆشیارن، كه‌ شانازى به‌ ناسنامه‌كه‌يانه‌وه‌ دەکەن، لە هەموو قۆناغەکاندا دڵسۆزییان سەلماندووە، هەمیشە پارێزەری هۆشیاری و زمان و بەهاکان بوون.

٠ ده‌ستخۆشى له‌ یەکێتيی مامۆستایانی کوردستان دەکەین، بۆ نوێنەرایەتیکردنی توێژی مامۆستایان و بەرگریکردن لە مافەکانیان، بە ڕێزەوە قوربانیدانی ئەو مامۆستایانە بەبیر دێنینەوە کە گیانیان لەپێناو ئازادیدا به‌خشى.