جارێکی دیکە نرخی زێڕ دابەزی

ئاڤا نیوز

دابەزینی نرخی زێڕ لە بازاڕەکانی جیهاندا بەردەوامە، سەرۆکی سەندیکای زێڕەنگەرانی هەولێریش دەڵێت ' هەر ئونسەیەک زێڕ 84 دۆلار دابەزیوە'.

وێنە گەورەکە: لەم هەفتەیەدا نرخی زێڕ بەشێوەیەکی بەرچاو دابەزیوە، بەگوێرەی وتەی شارەزایانی بواری زێڕ، گفتوگۆی ئاشتیانەی نێوان ڕووسیا و ئۆکراینا کاریگەری زیاتری لەسەر دابەزینی نرخی زێڕ دەبێت.

لێدوانی فەرمی: هەندرێن وەرتی، سەرۆکی سەندیکای زێڕەنگەرانی هەولێر بە ئاڤا میدیای ڕاگەیاند: تەنیا لەم هەفتەیەدا نرخی یەک مسقاڵ زێڕ 35 هەزار دینار دابەزیوە، لە 14ـی ئایار تاوەکو ئێستا، یەک ئۆنسە زێڕ 84 دۆلار دابەزیوە، یەک مسقاڵ زێڕێش 17 هەزار دینار دابەزیوە.

زانیاریی زیاتر: ئەمڕۆ پێنجشەممە نرخی زێڕ لە بازاڕەکاندا بەمجۆرەیە.

٠ یەک ئۆنسە زێڕ: 3149 دۆلارە

٠ مسقاڵێک زێڕ عەیار 22: 670 هەزار دینارە

٠ مسقاڵێک زێڕ عەیار 21: 640 هەزار دینارە

٠ مسقاڵێک زێڕعەیار 18: 548 هەزار دینارە