بەهای لیرەی سووری دابەزی

ئاڤا نیوز

بەهای لیرەی سووری لە بازاڕەکاندا جارێکی دیکە دابەزی، ئەمەش کاریگەری لەسەر جووڵەی بازاڕ کردووە، وتەبێژی بازاڕی دۆلار فرۆشانی هەولێر دەڵێت 'ئەمڕۆ بەهای لیرەی سووری دابەزیوە'.

چیرۆکی سەرەکی: دوای بڕیاری هەڵگرتنی ئابڵۆقە ئابوورییەکانی سەر سووریا لەلایەن ئەمریکاوە، بەهای لیرەی سووری بەشێوەیەکی بەرچاو لە دوو ڕۆژی ڕابردوودا بەرزبووەوە.

لێدوانی فەرمی: کەیفی خۆشناو، وتەبێژی بازاڕی دۆلاری هەولێر بە ئاڤا میدیای ڕاگەیاند: ئەمڕۆ بەهای یەک ملیۆن لیرەی سووری بە 165 هەزار دینار لە بازاڕدا مامەڵەی پێوە دەکرێت، 100 ملیۆن لیرەی سووری بە 16 ملیۆن و 500 هەزار دینار مامەڵەی پێوە دەکرێت.

وتەبێژی بازاڕی دۆلاری هەولێر دەڵێت؛ هۆکاری دابەزینی بەهای لیرە پەیوەندی بەوەوە هەیە کە لە سووریا بەهای لیرە هەرزانترە، 100 ملیۆن لیرەی سووری بە 15 ملیۆن دینارە.

لەلایەکی دیکەوە: نرخی 100 دۆلار بە 142 هەزار و 500 دینار تاڕادەیەک جێگیر بووە، بەرزبوونەوە و دابەزینی بەهای دۆلاریش پەیوەندی بە ڕێژەی دۆلار لە بازاڕدا هەیە، ئێستا ڕێژەیەکی مام ناوەند هەیە، هۆکارەکەشی ئەوەیە لە عێراقەوە دۆلار بۆ کڕینی لیرەی سووری دەچێتە سووریا.