تەمەنی خانەنشینی دادوەران دیاری دەکرێت

ئاڤا نیوز

 

بەڕێوەبەرایەتیی گشتیی خانەنشینی هەرێمی کوردستان لەبارەی دیاریکردنی تەمەنی خانەنشینی دادوەران زانیاریی نوێ دەخاتەڕوو. 

 

زانیاریی تایبەت: سەرچاوەیەکی باڵا لە بەڕێوەبەرایەتیی گشتیی خانەنشینی هەرێمی کوردستان بە ئاڤای ڕاگەیاند، دادوەران هاوشێوەی مامۆستایانی زانکۆ و پرۆفیسۆران لە تەمەنی 63 ساڵی خانەنشین دەکرێن، هەر ئەمساڵیش چەند دادوەرێک لەو تەمەنە دیاریکراوە خانەنشین بوون. 

 

زانیاریی زیاتر: بەگوێرەی یاسای یەکگرتووی خانەنشینی عێراق، فەرمانبەران لە تەمەنی 60 ساڵی خانەنشین دەکرێن. 

 

ئەوەی پێویستە بیزانیت: تەمەنی خانەنشینی هەرێمی کوردستان هاوتای خانەنشینی عێراق کراوە، لە سەرەتای ئەمساڵەوە پڕۆسەکە دەستیپێکردووە و زیاتر لە 25 هەزار کەس دەگرێتەوە، بەشێکیان مامەڵەکانیان تەواوبوون و خانەنشین بوون.