پزیشکیان: دەمانەوێت لەگەڵ کوردستان بە ئاشتی بژین

ئاڤا نیوز

سەرۆککۆماری ئێران لە میانەی سەردانیکردنی بۆ ڕۆژهەڵاتی کوردستان ڕایگەیاند، ئێران لە بری جەنگ ئاشتی هەڵدەبژێرێت و دەیەوێت لەگەڵ کوردستانیش بە ئاشتی بژیت.

وێنە گەورەکە: مەسعوود پزیشکیان، سەرۆککۆماری ئێران سەردانی شاری کرماشانی لە ڕۆهەڵاتی کوردستان کرد، لەسەردانەکەیدا باسی سەردانەکەی دۆناڵد ترەمپ، سەرۆکی ئەمریکای بۆ وڵاتانی کەنداو کرد. وتیشی، دەمانەوێت لەگەڵ کوردستان بەئاشتی بژین.

لێدوانی فەرمی: مەسعوود پزیشکیان وتی، "ترەمپ دەیەوێت سعوودیە بخاتە لایەک و ئێمەش بخاتە لایەکەی تر، بەڵام نازانێت کە سعوودیە قیبلەی هەموو موسوڵمانانە".

- ترەمپ دەڵێ، "ئێمە باشترین بۆمب و چەکمان درووست کردووە"، پزیشکیان پرسیار دەکات، بۆچی چەکتان درووست کردووە، بۆ ئەوەی مرۆڤ بکوژن و کۆمەڵکوژی بکەن.

- ئێران ئاشتی دەوێت نەک جەنگ، "ئێمە لەناوخۆ و لەگەڵ دراوسێکانیشمان دەمانەوێت بە ئارامی و ئاشتی بژین"، لەگەڵ ڕووسیا، ئازەربایجان، ئەفغانستان و پاکستان و عێراق و کوردستانیش.