هەموو هەینییەک وەرزشی بەردەوانی لە بناری چیای سەفین دەکرێت

ئاڤا نیوز

ئارەزوومەندانی وەرزشی بەردەوانی هەموو ڕۆژانی هەینی لە چیای سەفین بەسەر شاخ و بەرزاییەکان سەردەکەون، داواش دەکەن هەر کەسێک ئارەزوو دەکات دەتوانێت بەشدار بێت.

چیرۆکی سەرەکی: ژمارەیەک لەو کەسانەی خولیای شاخەوانی و وەرزشی بەردەوانیان هەیە ڕۆژانی هەینی لە گەلی موزیک لە بناری چیای سەفین کۆدەبنەوە و بەسەر شاخ سەردەکەون، بەشێک لەو وەرزشوانانە ئەو کەسە بیانیانەن کە لە هەرێمی کوردستان کار دەکەن.

لێدوانی فەرمی: کریستۆڤەر پالمەر، سەرپەرشتیاری گروپی بەردەوانی گوتی: وەرزشی بەردەوانی ، سەرکەوتن بەسەر شاخ و هاتنەخوارەوە بە پارێزراوی هەستێکی زۆر خۆش و تایبەتە، زۆر خاڵ هەیە پێویستە جێبەجێان بکەین بۆ ئەوەی تەواو پارێزراو بین ، ئێمە هەموو پێدوایستییەکان ئامادە دەکەین پیش ئەوەی دەست بە ئەنجامدانی وەرزشەکە بکەین.

ئەوەی پێویستە بیزانیت: هەرکەسێک ئارەزووی بەشداری کردنی ئەم وەرزشەی هەبێت دەتوانێت بەشداری بکات، بەڵام دەبێت پابەندی ڕێنمایی و تەکنیکی وەرزشەکە بێت.