ترەمپ هۆشداری بە ڕووسیا دەدات

ئاڤا نیوز

 

ئەمریکا جارێکی دیکە هۆشداری بە ڕووسیا دەدات لەئەگەری ڕێکنەکەوتن بۆ کۆتاییهێنان بەشەڕی لەگەڵ ئۆکراینا، هاوکات واشنتن پاکێجێکی نوێ سزا بەسەر مۆسکۆدا دەسەپێنێت.

 

چیڕۆکی سەرەکی: هەوڵەکانی وڵاتانی ئەوروپا لەلایەک و ئەمریکا لەلایەکی دیکەوە بۆ کۆتاییهێنان بەجەنگی سێ ساڵەی نێوان ڕووسیا و ئۆکراینا زیاتر کراون، ئیدارەی ئەمریکا هێشتا پێیوایە ڤلادیمێر پووتین، سەرۆکی ڕوسیا ئامادەیە ڕێککەوتنێک بۆ کۆتاییهێنان بە شەڕی ئۆکراینا ئەنجام بدات، بەڵام هۆشداریشیدا لەوەی ئەگەر دانوستانەکان شکستیان هێنا، ئەوا ئیدارەکەی سزا سەر مۆسکۆدا دەسەپێنێت.

 

لێدوانی فەرمی: دۆناڵد ترەمپ، سەرۆکی ئەمریکا لە چاوپێکەوتنێکدا لەگەڵ فۆکس نیوز  ڕایگەیاند، ڕاستگۆ بم، گەمارۆ و سزای نوێ دەسەپێنێم ئەگەر ڕووسیا بە ڕێککەوتن ڕازی نەبێت.

 

ئەوەی پێویستە بیزانیت: 16-5-2025، یەکەم دانوستانی ڕاستەوخۆ لە نێوان ڕووسیا و ئۆکراینا لە ئیستەنبووڵ دوای سێ ساڵ لە جەنگ بەڕێوەچوو، شاندی دانوستانکاری هەردوولا دەرئەنجامی کۆبوونەوەکەیان بە ئەرێنی وەسف کرد.