سەرەڕای دانوستانەکان ڕووسیا لە هێرشکردنە سەر ئۆکراینا بەردەوامە

ئاڤا نیوز

 

بەپێی ڕاپۆرتێکی کاربەدەستانی ئۆکراینا، ڕووسیا هێرشێکی نوێی بۆ سەر ناوچەیەکی ئۆکراینا ئەنجامداوە، بەهۆیەوە قوربانی لێدەکەوێتەوە.

 

چی ڕوودەدات: سەڕەڕای دەستپێکردنی دانوستانەکان لە نێوان ڕووسیا و ئۆکراینا بۆ یەکەمجار دوای سێ ساڵ، ڕووسیا هێرشێکی نوێ بۆ سەر پێگەیەکی ئۆکراینی ئەنجامدا. 

 

زانیاریی بەدەستهاتوو: کاربەدەستانی ئۆکراینا دەڵێن،'لە ئەنجامی هێرشێکی فڕۆکەی بێفڕۆکەوانی ڕووسیا بۆ سەر پاسێکی نەفەرهەڵگر 'مەدەنی' لە باکووری ڕۆژهەڵاتی ئۆکراینا، لانیکەم نۆ کەس کوژراون و پێنج کەسیش برینداربوون، بەپرسانی ناوچەکە هێرشەکەیان بە نامرۆڤانە وەسف کرد''.

 

ئەوەی پێویستە بیزانیت: 16-5-2025، یەکەم دانوستانی ڕاستەوخۆ لە نێوان ڕووسیا و ئۆکراینا le ئیستەنبووڵ بەڕێوەچوو، شاندی دانوستانکارانی هەردوولا دەرئەنجامی کۆبوونەوەکانیان بە ئەرێنی وەسف کرد.

 

ئەمەش بزانە: تاوەکو ئێستا لایەنی ڕووسی ڕوونکردنەوەیان لەسەر ئەم دەنگۆیانە نەداوە.