جڤاتا بلندا ئێزدیان دێ هێتە پێکئینان

ئاڤا نیوز

 

میرێ ئێزدیان دخازیت جڤاتەکا بلند پێکبینیت، بەشەکا کەسایەتی و سەرۆک هۆزێن ئێزدیان ژی ل شنگالێ ژ ڤێ پێنگاڤێ نەڕازینە.

 

داخویانیا فەرمی: کەریم سلێمان، ئەندامێ جڤاتا ڕوحانیا ئێزدیان بۆ ئاڤا نیوز گوت، ب سەرپەرشتیا حازم تەحسین بەگ، میرێ ئێزدیان کۆمبوونەک هاتیە کرن و مەرەم ژێ دروستکرنا جڤاتەکا بلندا ئێزدیانە، ئاڤاکرنا ئەڤێ جڤاتێ دێ بیتە ئەگەر کو دەنگ و داخوازیێن ئێزدیان بگەهنە جهێن بەرپرس و چارەسەر ببن. 

 

زانیاریێن بدەستڤە هاتی: ئاڤا نیوز، زانیە ئەڤرۆ ل مەزارێ شەرفەددین ل شنگالێ کۆمەکا کەسایەتی و سەرۆک هۆزێن ئێزدیان دێ ل دژی ئەڤێ بڕیارا میرێ ئێزدیان دەرکەڤن، هەلویستێ خۆ ڕاگەهینن.

 

ئەوا پێدڤیە بزانی: جڤاتا بلندا ئێزدیان دێ بەشەک بیت ژ جڤاتا روحانیا ئێزدیان، بڕیارە حازم تەحسین بەگ سەرۆکێ وێ بیت، دێ ژ کەسێن پسپۆر هێتە پێکئینان و ئارمانج ژێ بەرەڤانیکرنە ژ داخوازی و مافێن ئێزدیان.