سەرۆککۆمار وادەی یەکەم دانیشتنی پەرلەمانی دیاریکرد

ئاڤا نیوز

سەرۆککۆماری عێراق 29ی ئەم مانگەی وەکو یەکەم دانیشتنی پەرلەمانی نوێی عێراق دیاری کرد.

ڕاگەیێنراوی فەرمی: د. لەتیف ڕەشید نووسراوێکی فەرمیی بە واژۆی خۆی دەرکرد و تێیدا داوای لە پەرلەمانی نوێ کرد، ڕۆژی دووشەممە 29ی کانوونی دووەمی 2025 یەکەم دانیشتنی ساز بکات و بەتەمەنترین ئەندام سەرۆکایەتیی دانیشتنەکە بکات.

- لە نووسراوەکەی سەرۆککۆماردا هاتووە، ئەم فەرمانە لە بەرواری دەرچوونییەوە کاری پێدەکرێت و لە ڕۆژنامەی فەرمیدا بڵاودەکرێتەوە.

زانیاریی زیاتر: بە پشتبەستن بە بڕگەکانی مادەی (54) و بڕگەی (چوارەم)ی ماددەی (73)ی دەستوور و پەسەندکردنی ئەنجامی کۆتایی هەڵبژاردنی گشتیی بۆ ئەندامێتی لە پەرلەمان لەلایەن دادگای باڵای فیدڕاڵییەوە ئەو بڕيارە دراوە.

ئەوەی پێویستە بیزانیت: دوای یەکەم دانیشتنی پەرلەمانی عێراق، بەپێی دەستوور لە ماوەی 30 ڕۆژ دەبێت سەرۆککۆماری نوێ هەڵبژێردرێت دواتر سەرۆککۆمار کاندیدی گەورەترین فراکسیۆنی پەرلەمانی ڕادەسپێرێت لە ماوەی 15 ڕۆژدا ئەنجوومەنی وەزیران پێکبێنێت و لە کۆتاییدا ڕاسپێردراو لە ماوەی 30 ڕۆژدا کابینەی وزارییەکەی پێشکەشی پەرلەمان دەکات بۆ دەنگدان لەسەری.