کۆلێژی پزیشکی لە زانکۆی هەڵەبجە دەکرێتەوە

ئاڤا نیوز

دوای سەردانەکەی سەرۆکوەزیران بارزانی بۆ هەڵەبجە، چەند بڕیار و پڕۆژەیەکی بۆ پارێزگاکە ڕاگەیاند؛ ئەمڕۆ وەزیری خوێندنی باڵای هەرێمی کوردستان بڕیاری کردنەوەی کۆلێژی پزیشکیی زانکۆی هەڵەبجەی دەرکرد.

 

ڕاگەیێنراوی فەرمی: بەبۆنەی 36ـەمین ساڵیادی کیمیابارانی هەڵەبجە، ئارام محەممەد قادر، وەزیری خوێندنی باڵا و توێژینەوەی زانستیی حکومەتی هەرێمی کوردستان، بڕیاری کردنەوەی کۆلێژی پزیشکیی زانکۆی هەڵەبجەی دەرکرد.

 

ئەوەی پێویستە بیزانیت: کۆلێژەکە تەنیا بەشی پزیشکی گشتی دەبێت و لە ساڵانی داهاتوودا بەشی دیکەی تێدا دەکرێتەوە.

 

زانیاریی زیاتر: زانکۆی هەڵەبجە بەم کۆلێژە نوێیەوە دەبێتە خاوەنی "حەوت کۆلێژ، 22 بەش و زیاتر لە سێ هەزار و 500 قوتابی کە تێیدا دەخوێنن".