کەناڵی 14ی ئیسرائیل: کوژرانی برای سینوار بەفەرمی پشتڕاست کرایەوە

ئاڤا نیوز

بەپێی هەواڵێکی کەناڵی 14ی ئیسرائیل، کوژرانی محەممەد سینوار، برای یەحیا سینوار، لەگەڵ 10 لە هاوکارەکانی بە فەرمی پشتڕاستکرایەوە.

ئەوەی پێویستە بیزانیت: 14ـی ئەم مانگە دەزگای پەخشی ئیسرائیل گرتەیەکی ڤیدیۆیی بڵاوکردەوە کە تێیدا ساتی هێرشکردنە سەر حەشارگەیەک لەژێر نەخۆشخانەی ئەورووپی لە خان یونس دەردەخات.

زانیاریی بەدەستهاتوو: چوارشەممە 21-5-2025، کەناڵی 14ی ئیسرائیلی بڵاویکردەوە، کوژرانی محەممەد سینوار، برای یەحیا سینوار، لەگەڵ 10 لە هاوکارەکانی بە فەرمی پشتڕاستکرایەوە.

ئەوەی لەوبارەیەوە دەگوترێت: پێشتر، ڕۆژنامەی "مەعاریف"ی عیبری پێشبینی کردبوو کە محەممەد سینوار، یەکێک لە سەرکردەکانی بزووتنەوەی حەماس، لە ئەنجامی هێرشێکی ئاسمانی هێزەکانی ئیسرائیل بۆ سەر کۆمەڵگەی نەخۆشخانەی ئەوروپی لە خان یونس کوژرابێت، دوای ئەوەی کۆبوونەوەیەکی نهێنی لە شوێنێکی دوور لە شوێنی دیلەکان ئەنجامدابوو.

باکگراوند: دوای ئەوەی ئیسرائیل لە مانگی ئۆکتۆبەری ساڵی ڕابردوو یەحیا سینوار، بەرپرسی پێشووی مەکتەبی سیاسی بزووتنەوەی حەماسی کوشت، براکەی محەممەد سینوار بووە فەرماندەی باڵی سەربازیی بزووتنەوەکە.