لە کۆنفڕانسی وزە لە واشنتن سەرۆکوەزیران مەسرور بارزانی باسی داهاتووی وزەی کوردستان دەکات

ئاڤا نیوز

لەچوارچێوەی سەردانەکەیدا بۆ ئەمریکا، بڕیارە ئەمڕۆ پێنجشەممە سەرۆکوەزیران مەسرور بارزانی بەشداری لە کۆنفڕانسی وزە بکات و لەپانێڵێکدا باس لە داهاتووی وزە لە هەرێمی کوردستان و عێراق بکات.

چیرۆکی سەرەکی: کۆنفڕانسی وزە کاتژمێر 8:30ـی بەیانی بە کاتی واشنتن و 3:30ـی پاش نیوەڕۆ بە کاتی هەولێر، بە ئامادەبوونی مەسرور بارزانی سەرۆکی حکومەتی هەرێمی کوردستان و کریستۆفەر ڕایت وەزیری وزەی ئەمەریکا، لە واشنتن بەڕێوەدەچێت.

زانیاریی بەدەستهاتوو: لە کۆنفڕانسەکەدا کە ئەنستیتیوتی جیهانیی ئەلمۆنیتۆر ڕێکیخستووە، سەرۆکوەزیران مەسرور بارزانی و وەزیری وزەی ئەمەریکا لە دوو پانێلی تایبەتدا باس لە داهاتووی وزە لە هەرێمی کوردستان و عێراق، پەیوەندییەکانی هەرێمی کوردستان و ئەمریکا دەکەن.

باکگراوند: ڕۆژی شەممە، ڕێککەوتی 2025-05-17، سەرۆکوەزیران مەسرور بارزانی و شاندێکی یاوەری کە پێکهاتبوون لە وەزیری سامانە سروشتییەکان، وەزیری کارەبا، وەزیری پێشمەرگە، سەرۆکی فەرمانگەی پەیوەندییەکانی دەرەوە، سکرتێری ئەنجوومەنی وەزیران، ڕاوێژکاری باڵا بۆ کاروباری دەرەوە، لەسەر بانگێشتی فەرمی ئەمریکا بە سەردانێک گەیشتنە واشنتن، زنجیرەیەک دیدار و کۆبوونەوەی گرنگی لەگەڵ کاربەدەستانی ئەمریکا کردووە.