زانکۆی سەلاحەدین وانەی ژیریی دەستکرد دەخاتە نێو پرۆگرامی خوێندنەوە

ئاڤا نیوز

لەسەر ئاستی ڕۆژهەڵاتی ناوەڕاست زانکۆی سەلاحەدین بڕیاریدا وانەی ژیریی دەستکرد وەک بابەتێکی گرنگ لە نێو پڕۆگرامی خوێندن زیاد بکات.

لێدوانی فەرمی: سامان عەبدوڵلا، بەڕێوەبەری ڕاگەیاندنی زانکۆی سەلاحەدین بە ئاڤای ڕاگەیاند: دوابەدوای چەندین کۆبوونەوە، زانکۆی سەلاحەدین بڕیاریدا وانەی ژیریی دەستکرد لە سەرجەم بەشە زانستییەکان و وێژەییەکانی زانکۆکە دابنێت، وانەی ژیریی دەستکرد وەک هەر وانەیەکی دیکە تاقیکردنەوەی میدتێرم، ڕاپۆرت و ئەسایمێنت، پرێزنتەیشن و کویز و تاقیکردنەوەی کۆتایی دەبێت.

ئەوەی پێویستە بیزانیت: زمانی خوێندن بەو زمانە دەبێت کە لە بەشە زانستی و وێژەییەکاندا دەخوێندرێت، ئەم وانەیە لە سمیستەری دووەمی قۆناغی یەکەمی سەرجەم بەشەکان وەک وانەیەکی سەرەکی دەخوێندرێت.

لەلایەکی دیکەوە: زانکۆی سەلاحەدین پێشنیازی بۆ وەزارەتی خوێندنی باڵا و توێژینەوەی زانستی کردووە لە سەرجەم زانکۆکانی دیکە ئەم وانەیە بخوێندرێت.

باکگراوند: ژمارەی مامۆستایانی زانکۆی سەلاحەدین دوو هەزار و 300 مامۆستایە بە پلە و پسپۆڕی جیاواز” پڕۆفیسۆر، پڕۆفیسۆری یاریدەدەر، مامۆستا، مامۆستای یاریدەدەر”، لەگەڵ ئەوەشدا لە 16 کۆلێژ و 86 بەشی ئەکادیمی پێکدێت، 25 هەزار قوتابی بەکالۆریۆسی هەیە، دوو هەزار قوتابی خوێندنی باڵا، دبلۆمی باڵا و دکتۆرا و ماستەری هەیە.