وەزارەتی خوێندنی باڵا بڕیاری لێخۆشبوونی 20% لە کرێی خوێندن دا

ئاڤا نیوز

 

وەزارەتی خوێندنی باڵا و توێژینەوەی زانستیی هەرێمی کوردستان بڕیاری دا ڕێژەی لێخۆشبوون لە کرێى خوێندنى پارالێڵ لە 45%ـەوە بکاتە 65%.

 

لێدوانی فەرمی: عەباس ئەکرەم، گوتەبێژی وەزارەتی خوێندنی باڵا بۆ ئاڤا نیوز ڕایگەیاند: " وەزارەتى خوێندنى باڵا و توێژینەوەى زانستى سەرەڕاى لێخۆشبوونى (45%)ـى کرێى خوێندنى پارالێڵ، لەهەوڵێکی دیکەدا بڕیاری دا بە لێخۆشبوونى (20%)ـی دیکەى کرێى خوێندنى پارالێڵ لە زانکۆ و حکومییەکانى هەرێمى کوردستان".

 

بۆچی گرنگە:  لە ماوەی پێنج ساڵی ڕابردوو کابینەی نۆیەمی حكومەتی هەرێمی کوردستان لەپێناو ئاسانكاریی خوێندن و بەردەوامبوونی زۆرترین قوتابی لە پرۆسەی خوێندندا، بەردەوام داشكاندن لە خوێندنی زانكۆ و پەیمانگە حكومی و تایبەتەكاندا کراوە. 

ئەوەی پێویستە بیزانیت: ئامانج لە بڕیارەکە  لەبەرچاوگرتنی بارودۆخی دارایی هاووڵاتیان و پاڵپشتیكردنی ئەو قوتابییانەیە کە لە زانکۆ و پەیمانگە حكومییەکانی هەرێمی کوردستان بەشێوەی پارالێڵ دەخوێنن، بەمەرجێک پێش (05-05-2024) بە یەک قیست گشت پارەکە بدات، ئەمە تەنیا بۆ ساڵى خوێندنى (2023-2024) جێبەجێ دەکرێت.