سەرۆکوەزیران مەسرور بارزانی لەگەڵ وەزیری ئاسایشی ناوخۆی ئەمەریکا کۆدەبێتەوە

ئاڤا نیوز

 

لەچوارچێوەی سەردانەکەی بۆ ئەمریکا سەرۆکوەزیران مەسرور بارزانی، لەگەڵ وەزیری ئاسایشی ناوخۆی ئەمەریکا کۆدەبێتەوە و تاوتوێی پەیوەندییەکانیان لە بواری ئەمنی و ڕاهێنان و ڕووبەڕووبوونەوەی تاوانی ڕێکخراو دەکەن. 

 

وێنە گەورەکە: ماوەی چەند ڕۆژێکە سەرۆکوەزیران مەسرور بارزانی و شاندێکی یاوەری بە سەردانێکی فەرمی لە واشنتنن، لەچوارچێوەی ئەو سەردانەیدا چەندین دیدار و کۆبوونەوەی گرنگی لەگەڵ بەرپرس و دەسەڵاتدارانی ئەمریکا ئەنجامداوە، 

 

چیرۆکی سەرەکی: ئەمڕۆ پێنجشەممە، سەرۆکوەزیران مەسرور بارزانی لە واشنتن لەگەڵ  کریستی نۆوم، وەزیری ئاسایشی ناوخۆی ئەمەریکا کۆبووەوە.

 

زانیاریی زیاتر: لەمیانەی کۆبوونەوەیاندا جەخت لە پەرەپێدانی هاوکاریی و هاوئاهەنگیی لە نێوان لایەنە پەیوەندیدارەکانی حکومەتی هەرێمی کوردستان و وەزارەتی ئاسایشی ناوخۆی ئەمەریکا، بە تایبەتی لە بواری ئەمنی و ڕاهێنان و ڕووبەڕووبوونەوەی تاوانی ڕێکخراو کرایەوە.