مەسرور بارزانی: ئەمریکا لەگەڵمانە

ئاڤا نیوز

 

سەرۆکوەزیران مەسرور بارزانی لە تۆڕی کۆمەڵایەتی ئێکس ڕایگەیاند، ئەوەی لە کوردستان دەکرێت تەنیا بۆ دانیشتوانەکەی نییە، بەڵکو لە پێناو سەرجەم خەڵکی عێراقدایە.

 

وێنە گەورەکە: ڕۆژی شەممە 17-5-2025، سەرۆکوەزیران مەسرور بارزانی بە سەردانێکی فەرمی و لەسەر بانگهێشتی حکومەتی ئەمریکا گەیشتە واشنتن، سەرۆکوەزیران سەپەرشتیی واژۆکردنی دوو گڕێبەستی کردووە بە بەهای 110 ملیار دۆلار، لەو ڕۆژەوە سەرۆکوەزیران زیاتر لە 13 کۆبوونەوەی لەگەڵ کۆنگرێسمان و سیناتۆرەکانی ئەمریکا کردووە.

بڵاوکراوەی فەرمی: مەسرور بارزانی، سەرۆکوەزیرانی هەرێمی کوردستان، لە ڕێگەی تۆڕی کۆمەڵایەتیی ئێکسەوە ڕایدەگەیێنێت کە ئەوەی لە کوردستان دەکرێت تەنیا بۆ دانیشتوانەکەی نییە، بەڵکو لە پێناو سەرجەم خەڵکی عێراقدایە و کاریگەریی لەسەر ناوچەکەش دەبێت.

زانیاریی زیاتر: سەرۆکوەزیرانی هەرێمی کوردستان هەروەها ئاماژە بەوە دەدات لەم چاکسازییانەی کە لە بوارەکانی وزە، بانک و فرەچەشنکردنی ئابووری دەستیان پێکردووە، ئەمریکا وەک هاوبەشێکی سەرەکیی لەگەڵ هەرێمی کوردستان بەردەوام دەبێت. 

دەقی نووسینەکەی سەرۆکوەزیران، مەسرور بارزانی:

"چاکسازییەکانی کوردستان لە بواری وزە، بانک، فرەچەشنکردنی ئابووری، تەنیا بۆ خۆمان نین. ئەوانە هۆی سەقامگیری و گەشەسەندن بۆ هەموو عێراق و ناوچەکە دێنن. ئەمریکاش وەک هاوبەشێکی سەرەکیی ئەم ئەرکە دەمێنێتەوە."