عێراق پێشوازی لە کارکردنی کۆمپانیا نەوتییە ئەمریکییەکان دەکات

ئاڤا نیوز

 

وەزارەتی نەوتی عێراق پێشوازی لە کارکردنی کۆمپانیا ئەمریکییەکان بۆ پەرەپێدانی کێڵگە نەوتی و گازییەکان لەڕێگەی پەیوەندی و گرێبەستی ڕاستەوخۆ دەکات.

 

وێنە گەورەکە: سەرۆكوەزیران مەسرور بارزانی، بە یاوەری شاندێک لە حكومەتی هەرێمی كوردستان چەند ڕۆژێكە بە سەردانێكی فەرمی لە ئەمریكایە، جگە لە چەندین دیداری گرنگ لەگەڵ بەرپرسانی وڵاتەكە، ڕۆژی دووشەممە سەرپەرشتی دوو ڕێککەوتننامەی گرنگی کرد لەگەڵ دوو کۆمپانیای گەورەی ئەمریکی (وێسترن زاگرۆس و ئێچ کەی ئێن) لە بواری وزەی هەرێمی کوردستان کە کاریگەری لەسەر بووژانەوەی ئابووری و ڕەخساندنی هەلی کار دەبێت.

ڕاگەیێنراوی فەرمی: لە بەیاننامەیەکدا وەزارەتی نەوتی عێراق ئەمڕۆ هەینی 23-5-2025 ڕایگەیاند: وەزارەتی نەوتی عێراق بەردەوامە لە گرێبەستەکانی لەگەڵ کۆمپانیا ئەمریکییەکان لە سەرجەم ئەو سێکتەرانەی پەیوەستن بە کنە و پشکنین و پەرەپێدانی گیڵگە نەوتییەکان و خزمەتگوزارییەکانی ڕاوێژکاری. 

 

- وەزارەتی نەوتی عێراق هیچ لاریەک و ڕەخنەیەکی سەبارەت بە مامەڵەکردنی کۆمپانیا نەوتییەکانی ئەمریکا ڕاستەوخۆ لەگەڵ حکومەتی هەرێمی کوردستان لە چوارچێوەی دەستووردا نییە.

 

ئەوەی پێویستە بیزانیت: ڕێککەوتنەکانی هەرێمی کوردستان لەگەڵ ئەمریکا تەنیا سوودی بۆ کوردستان نابێت، بەڵکو خزمەتێکی گەورەی عێراق دەکات لە ڕووی دابینکردی کارەبا بۆ هاونیشتمانیانی و دەربازبوونی لە قەیرانی کەمی کارەبا لە وڵاتەکەدا.