زەوی بە خێزانە كوردە گەڕاوەكانی ماددەی 140 دەدرێت

ئاڤا نیوز

 

د.شاخەوان عەبدوڵڵا، جێگری سەرۆکی پەرلەمانی عێراق ئاشکرای دەکات کە ڕەزامەندی دراوە بە پێدانی زەوی بە سەرجەم ئەو خێزانە کوردانەی کە گەڕاونەتەوە بۆ کەرکووک و ناوچەکانی دەرەوەی هەرێم.

بڵاوکراوەی فەرمی: شاخەوان عەبدوڵڵا، جێگری سەرۆکی پەرلەمان و سەرۆکی لیژنەی ماددەی 140، لە لاپەڕەی خۆی لە فەیسبووک ڕایگەیاند: دوای نووسراومان ژمارە 61 لە 14-4-2025 و کۆبوونەوەمان لەگەڵ سەرۆکی لیژنەی ماددەی 140ی حکومی، لە ڕێککەوتی 20-4، ڕەزامەندیمان وەرگرت هەر خێزانێکی کوردی گەڕاوە بۆ کەرکووک و ناوچەکانی دەرەوەی هەرێم ئەوانەی ماددەی 140یان کردووە پارچەیەک زەوییان پێ بدرێت.

 

زانیاریی زیاتر: بەپێی گوتەی شاخەوان عەبدوڵڵا ئەم بڕیارە ئەو خێزانانەش دەگرێتەوە کە مامەڵەکانیان تەواو کردووە بەڵام قەرەبووی 10 ملیۆنەکەیان وەرنەگرتووە، بڕیارەکە سەرجەم ناوچەکان دەگرێتەوە لە شنگالەوە تا خانەقین بۆ ئەو مەبەستە نووسراو ئاراستەی پارێزگاکان کراوە بۆ جێبەجێکردنی.