عێراق سێ پارچە شوێنەواری دەگمەن لە ئەمریکا وەردەگرێتەوە

ئاڤا نیوز

لە چوارچێوەی گەڕاندنەوەی شوێنەوارە دزراوەکانیدا، عێراق سێ پارچە شوێنەواری دەگمەن لە ئەمریکا وەردەگرێتەوە.

 

چیرۆکی سەرەکی: باڵیۆزخانەی عێراق لە ئەمریکا ڕایگەیاندووە، بەهاوکاری دەسەڵاتدارانی ئەو وڵاتە لە یەکەی بازرگانیکردن بە پارچە شوێنەوار لە نووسینگەی داواکاری گشتیی ویلایەتی نیویۆرک، دەست بەسەر ئەو پارچە شوێنەوارەوە گیراوە.

ڕاگەیێنراوی فەرمی: وەزارەتی ڕۆشنبیری عێراق لە بەیاننامەیەکدا ڕایگەیاند: سێ شوێنەواری دەگمەن کە مێژووەکەیان دەگەڕێتەوە بۆ هەردوو شارستانیەتی سۆمەری و بابلییەکان، لەئەمریکاوە بۆ عێراق گەڕێنرانەوە.

 

زانیاریی زیاتر: بڕیارە لە داهاتوویەکی نزیکدا ئەو پارچە شوێنەوارانە ڕادەستی مۆزەخانەی نیشتمانی عێراق بکرێنەوە.

 

ئەمەش بزانە: لە سێ ساڵی ڕابردوودا، حکومەتی عێراق توانیویەتی زیاتر لە 25 هەزار پارچە شوێنەوار کە بۆ دەرەوەی وڵات بردرابوون، بگەڕێنێتەوە.