ترەمپ هەڕەشەی سەپاندنی 25٪ گومرگ بەسەر ئەپڵدا دەکات

ئاڤا نیوز

دۆناڵد ترەمپ، سەرۆکی ئەمریکا، هەڕەشەی ئەوە دەکات ئەگەر ئەو ئایفۆنانەی لە ئەمریکا دەفرۆشرێن، لەوێش بەرهەم نەهێنرێن، ئەوا باجی گومرگیی 25٪ی بەسەر کۆمپانیای ئەپڵدا دەسەپێنێت.

 

بڵاوکراوەی فەرمی: ترەمپ لە تۆڕی کۆمەڵایەتیی ترووس سۆشیاڵ، کە خۆی خاوەندارێتیی دەکات، نووسیویەتی کە پێشتریش تیم کووک، بەڕێوەبەری جێبەجێکاری کۆمپانیای ئەپڵی لەم بابەتە ئاگادار کردووەتەوە.

 

زانیاریی زیاتر: لە ئەگەری سەپاندنی گومرگی زیادە یان بەرهەمهێنانی لە ناوخۆی ئەمریکا، تێچووی مۆبایلەکانی کۆمپانیای ئەپڵ، ئایفۆن، زیاتر دەبێت و بەم پێیەش مۆبایلەکە گرانتر دەبێت. 

 

دەقی نووسینەکەی ترەمپ:

"من زۆر پێشتر 'تیم کووک'ی ئەپڵم ئاگادار کردووەتەوە کە چاوەڕوان دەکەم ئەو ئایفۆنانەی کە لە ئەمریکا دەفرۆشرێن، لە ئەمریکاش بەرهەم بهێنرێن و دروست بکرێن، نەک لە هیندستان یان شوێنێکی دیکە. ئەگەر وانەبێت، دەبێت ئەپڵ لانیکەم 25% گومرگ بە ئەمریکا بدات".