ئومێد خۆشناو لەبارەی بارانبارین: بۆ هەر ئەگەرێکی نەخوازراو ئامادەین

ئاڤا نیوز

 

پارێزگاری هەولێر سەبارەت بە هاتنی شەپۆلێکی بارانبارین لە چەند ڕۆژی داهاتوودا هەموو لایەنە پەیوەندیدارەکان و فەرمانگە خزمەتگوزارییەکانی، بۆ هەر ئەگەرێکی نەخوازراو و چاوەڕواننەکراو خستە ئامادەباشییەوە. 

 

چیرۆکی سەرەکی: لە دیوانی پارێزگای هەولێر کۆبوونەوەیەک سەبارەت بە ڕەوشی کەشوهەواو و ئەو ڕێژە بارانبارینەى کە چاوەڕوان دەکرێت لە چەند ڕۆژى داهاتوو لە پارێزگاى هەولێر، بەڕێوەچوو.

 

لێدوانی فەرمی: ئومێد خۆشناو، پارێزگاری هەولێر دەڵێت، بەهۆى ئەو هەوڵ و کارەکانی فەرمانگە خزمەتگوزارییەکان لە ڕابردوو و پێش وەرزى باران کردوویانن، توانراوە لە شارى هەولێر مەترسییەکانى لافاو کەم بکرێتەوە.

 

ئەوەی پێویستە بیزانیت: پارێزگاری هەولێر سەرجەم یەکە ئیداری و خزمەتگوزارییەکانی ڕاسپارد لە ئامادەباشیدابن بۆ هەر ئەگەرێکی نەخوازراو، هەروەها بەڕێوەبەرایەتییەکانی ئاوەڕۆ و ئاودێری ئاگادارکردەوە بۆ خاوێنکردنەوەی مەنهۆڵەکان.