لە گوندێكی نزیك هەولێر گەنجێك دوای كوشتنی خوشكەكەی دەستگیر دەكرێت

ئاڤا نیوز

لە شارەدێی كەسنەزانی سەر بە شاری هەولێر، گەنجێك خوشكەكەی بەر دەستڕێژی گوللــە دەدات و دەیكوژێت، دوای تاوانەكەش خۆی ڕادەستی پۆلیس دەكات.

چیرۆكی سەرەكی: ئەمڕۆ هەینی 2025-05-23، لە گوندی پیرڕەش سەر بە ناحیەی كەسنەزانی شاری هەولێر، گەنجێكی تەمەن 17 ساڵ، لەسەر كێشەیەكی كۆمەڵایەتی، خوشكە تەمەن 20 ساڵەكەی دەكوژێت.

ڕاگەیێنراوی فەرمی: لەبارەی ڕووداوەكە، بەڕێوەبەرایەتیی پۆلیسی هەولێر ڕاگەیێنراوێكی بڵاوكردووەتەوە و ئاماژەی بەوە كردووە، دوای چوونی تیمەكانی پۆلیس بۆ شوێنی ڕووداوەكە و دەستپێكردنی لێكۆڵینەوەكان، دوای هەوڵەكانی پۆلیس، پاش چەند كاتژمێرێك تۆمەتبار خۆی ڕادەستی هێزەكانی پۆلیس كرد.

زانیاریی زیاتر: پۆلیسی هەولێر ڕاشیگەیاندووە، كوژراو كچێكی تەمەن 20 ساڵە بەناوی (أ. س. ج)، پەڕاوی لێكۆڵینەوەش بۆ تۆمەتباری تاوانەکە كراوەتەوە و ڕادەستی دادگای لێكۆڵینەوەی هەولێر كراوە و لێكۆڵینەوەش لە ڕووداوەكە بەردەوامە.