سەرۆکوەزیران مەسرور بارزانی: هاوبەشیمان لەگەڵ ئەمریکا قووڵتر دەکەینەوە

ئاڤا نیوز

 

سەرۆکوەزیران مەسرور بارزانی، لە تۆڕی کۆمەڵایەتیی ئێکس پەیامێکی سەبارەت بە سەردانەکەی بۆ واشنتن بڵاوکردەوە و دەڵێت، هاوبەشیمان لەگەڵ قوڵتر دەکەینەوە.

 

وێنە گەورەکە: ڕۆژی هەینی، ڕێککەوتی 23ـی 5ـی 2025، سەرۆکوەزیران مەسرور بارزانی لەگەڵ مارکۆ ڕوبیۆ، وەزیری دەرەوەی ئەمریکا کۆبووەوە.

 

بڵاوکراوەی فەرمی: سەرۆکوەزیرانی هەرێمی کوردستان نووسیویەتی، گرێبەستەکانی وزەوە بوژانەوە و گەشەسەندویی بۆ خەڵکی هەرێمی کوردستان و تەواوی عێراق دێنن. مەسرور بارزانی دەشڵێت، لەم ڕێگەیەوە هاوبەشیی نێوان هەرێمی کوردستان و ئەمریکا قووڵتر دەکەینەوە. 

 

لەلایەکی دیکە: هاوکات هەر لە میانی سەردانەکەیدا بۆ ئەمریکا، سەرۆکوەزیران مەسرور بارزانی چاوپێکەوتنێکی لەگەڵ کەناڵی فۆکس نیوز [ئەو کەناڵەی دۆناڵد ترەمپ سەرۆکی ئەمریکا بینەرێکی بەردەوامییەتی] ئەنجامدا و ڕایگەیاند، گەڕانەوەمان بۆ واشنتن بۆ دەربڕینی پێزانینە بۆ دۆناڵد ترەمپ سەرۆکی ئەمریکا،  بۆ هێزی سەربازیی ئەمریکا، بۆ گەلی ئەمریکایە، بە تایبەت بۆ ئەو پاڵشتییە بەردەوامییەی کە بۆ ئێمە هەیانە، لەهەمان کاتدا جەخت لە پابەندبوونی خۆمان بۆ ئەوەی کە هاوپەیمان و دۆستی ئەمریکاین دووپات بکەینەوە.

 

لە بەشێکی دیکەی چاوپێکەوتنەکەیدا، سەرۆکوەزیران گوتیشی، "ئێمە لەگەڵ ئەمریکا پێکەوە شەڕی دژی تیرۆرمان کردووە، ئێستا لەگەڵ کۆمپانیاکانی وڵاتەکە دەتوانین زۆر شت پێکەوە بوونیاد بنێین، کە لە بەرژەوەندیی ئاشتی و ئاسایشی هەرێمەکەمان بێت.