مارک ڕۆبیۆ: کوردستانێکی بەهێز و خۆڕاگر بنەمای سەقامگیریی عێراق و ناوچەکەیە

ئاڤا نیوز

مارکۆ ڕۆبیۆ، وەزیری دەرەوەی ئەمریکا، لە تۆڕی کۆمەڵایەتیی ئێکس وێنەیەکی خۆی و سەرۆکوەزیران مەسرور بارزانی پۆست کردووە و نووسینێکی لەسەر نووسیوە، کە دەڵێت، "لە کۆبوونەوەکەم لەگەڵ سەرۆکوەزیران مەسرور بارزانی  پشتیووانیی ئەمریکام بۆ کوردستانێكی بەهێز و خۆڕاگر دووپات کردوە.

 

وێنە گەورەکە: ماوەی هەفتەیەکە سەرۆکوەزیران مەسرور بارزانی لە ئەمریکایە؛ لەو ماوەیەدا دەیان کۆبوونەوە و دیداری گرنگی دیپلۆماسی لە ئاستی باڵا  لەگەڵ بەرپرسانی باڵای ئەمریکا ئەنجامدا، ڕۆژی هەینیش لەگەڵ مارکۆ ڕوبیۆ، وەزیری دەرەوەی ئەمریکا کۆبووەوە؛ بواری وزە و پشتیووانی ئەمریکا بۆ هەرێمی کوردستان گفتوگۆیان لەبارەیەوە کرا.

 

لێدوانی فەرمی: مارکۆ ڕۆبیۆ، وەزیری دەرەوەی ئەمریکا، لەبارەی کۆبوونەوەکەی لەگەڵ سەرۆکوەزیرانی کوردستان دەڵێت، "لە کۆبوونەوەکە پشتیووانیی ئەمریکام بۆ کوردستانێكی بەهێز و خۆڕاگر دوپات کردوە."

 

ڕوبیۆ دەشڵێت، "بەهێزیی هەرێمی کوردستان بنەمایەکی گرنگە بۆ سەقامگیریی عێراق و ناوچەکە.

 

لەلایەکی دیکە: لایخۆیەوە سەرۆکوەزیران مەسرور بارزانی لەبارەی کۆبوونەوەکەی لەگەڵ وەزیری دەرەوەی ئەمریکا نووسیویەتی، گرێبەستەکانی وزە بوژانەوە و گەشەسەندویی بۆ خەڵکی هەرێمی کوردستان و تەواوی عێراق دێنن. مەسرور بارزانی گوتیشی، لەم ڕێگەیەوە هاوبەشیی نێوان هەرێمی کوردستان و ئەمریکا قووڵتر دەکەینەوە.

 

باکگراوند: ڕۆژی دووشەممە، ڕێککەوتی 2025-05-19، بە سەرپەرشتی سەرۆکوەزیران مەسرور بارزانی، وەزارەتی سامانە سروشتییەکانی کوردستان و کۆمپانیاکانی 'ئێچ کەی ئینێرجی' و 'وێسترن زاگرۆس'ـی ئەمریکی، دوو گرێبەستیان لە بواری نەوت و وزە واژۆ کرد.