ترەمپ ژمارەی کارمەندانی ئەنجوومەنی ئاسایشی نیشتمانیی کۆشکی سپی کەمدەکاتەوە

ئاڤا نیوز

 

بەگوێرەی بڕیارێکی نوێ، دۆناڵد ترەمپ، سەرۆکی ئەمریکا  پێداچوونەوە بە ژمارە و هەیکەلی کارمەندانی ئەنجوومەنی ئاسایشی نیشتمانی دەکرێتەوە، بۆ ئەم مەبەستەش ژمارەیەکی زۆری کارمەندان لە کارەکانیان دوورخرانەوە.

 

زانیاریی بەدەستهاتوو: پێنج سەرچاوەی ئاگادار لەم بابەتە بە میدیاکانی ئەمریکایان گوت، دۆناڵد ترەمپ، دەیان کارمەندی ئەنجوومەنی ئاسایشی نیشتمانیی کۆشکی سپی لە کارەکانیان دوورخستەوە، ئەمەش لە چوارچێوەی هەوڵەکانی بۆ دووبارە داڕشتنەوەی ئەنجوومەنەکە، ئەو فەرمانبەرانە دەگوازرێنەوە بۆ پۆستەکانی دیکەی ناو حکومەت لەوی درێژە بە کارەکانیان دەدەن.

 

ئەمەش بزانە: ئەم هەنگاوە دوای چەند هەفتەیەک لەوە دێت کە مارکۆ ڕۆبیو، وەزیری دەرەوەی ئەمریکا پۆستی ڕاوێژکاری ئاسایشی نیشتمانی وەرگرت و لە شوێنی مایک واڵتز دەستبەکاربوو.

 

زانیاریی زیاتر: ئیدارەی ترەمپ هەوڵدەدات قەبارەی ئەنجوومەنی ئاسایشی نیشتمانی کەمبکاتەوە بۆ ژمارەیەکی سنووردار لە فەرمانبەر، بەجۆرێک کەم بکرێنەوە بۆ 50 فەرمانبەر، ئەمە لە کاتێکدا لە سەردەمی ئیدارەی بایدن ژمارەی کارمەندانی ئەنجوومەنەکە 300 کەسی تێپەڕاندبوو.